NASA, Ayın səthində daimi bir insan məskəni qurmaq məqsədilə hazırladığı planları rəsmən açıqladı. Layihə çərçivəsində Ayın cənub qütbündə yerləşəcək baza, gələcək kosmik missiyalar üçün strateji əhəmiyyət daşıyır.
İlk addım bu il atıla bilər
Planın ilk mərhələsi kimi nəzərdə tutulan missiyanın hələ bu il içərisində başlaması ehtimalı var. Bu missiyada NASA-ya kosmik texnologiya şirkəti Blue Origin dəstək verəcək. Tərəflər arasında əməkdaşlıq çərçivəsində ilk yük və avadanlıqların Aya çatdırılması planlaşdırılır.
Niyə cənub qütbü?
Ayın cənub qütbü, daimi kölgəlik zonalarda su buzunun olması ilə diqqət çəkir. Bu buz ehtiyatı, gələcək bazanın su, oksigen və yanacaq istehsalı üçün vacib resurs ola bilər. NASA, bu bölgənin həm elmi tədqiqatlar, həm də uzunmüddətli yaşayış üçün ideal olduğunu bildirir.
Xatırladaq ki, NASA-nın Artemis proqramı çərçivəsində Aya qayıdış missiyaları sürətlə davam edir. Ay bazası, Marsa səyahət kimi daha uzaq kosmik hədəflər üçün bir tramplin rolunu oynayacaq.
